Руслан Чагаевнинг промоутери Тимур Дугазаев Рамзан Қодиров кўмаги остида таниқли кубалик мураббий Педро Диас билан бир йиллик шартнома имзоланганини маълум қилди, дея хабар бермоқда «12news.uz». У Гильермо Ригондо, Мигель Котто ва Одланер Солис каби машҳур боксчилар билан ишлаган.
Дугазаев сўзларига кўра, Чагаев бир ой аввал Гамбургда машғулотларни бошлаган.
«Ҳозирда у икки ҳафтадан буён Майамида тайёрланмоқда, чунки Диаснинг визаси муддати тугаб, учиб кетишга мажбур бўлди. 26 апрель куни мураббий билан бирга Чагаев ҳам Гамбургга қайтади», — дея аниқлик киритди промоутер.
Педро Диас Русланни 27 июнь куни Германияда бўлиб ўтадиган жангга тайёрлайди. Боксчи ушбу жангда кимга қарши рингга тушиши ошкор этилмаяпти.
Изоҳ (0)