Россия президенти Владимир Путин Time журнали версияси бўйича дунёнинг 100 нафар энг нуфузли кишилари рейтингига кирганига бепарволик билан қарашини айтди, деб ёзади «РБК».
«Маълум бир давлат раҳбарининг нуфузи биринчи ўринда ушбу давлатнинг иқтисодий қуввати ва мудофаа қобилиятига кўра баҳоланади», — деди у.
Шу билан бирга, Владимир Путин рўйхат фигурантларини журнал ходимлари эмас, сўров иштирокчилари танлаганини таъкидлади. «Шу туфайли менга нисбатан эмас, биринчи навбатда мамлакатимиз, Россияга нисбатан ҳурмат кўрсатган кишиларга миннатдорлик билдиришни истардим», — деди президент.
Эслатиб ўтамиз, Россия президенти Владимир Путин АҚШнинг Time журнали томонидан ўқувчилари ўртасида ўтказилган сўровномада дунёнинг энг катта таъсирга эга одами деб топилди. Путин рейтингда 6,95 фоиз овоз билан биринчи ўринни эгаллаган.
Шунингдек, кучли ўнликдан кореялик хонанда Ли Че Рин, қўшиқчилар Леди Гага, Рианна, Тэйлор Свифт, Далай лама, тинчлик бўйича Нобель мукофоти соҳибаси Малала Юсуфзай ва Рим папаси Франциск I ўрин олган.
Изоҳ (0)