Қозоғистон президенти Нурсултон Назарбоев 26 апрель куни бўлиб ўтадиган давлат раҳбарлигига муддатидан аввалги сайловларда иштирок этиш учун розилик беришга мажбур бўлганини маълум қилди. Бу ҳақда «Новости-Казахстан» агентлиги хабар берди.
«Халқдан минглаб имзолар қўйилган кучли илтимослар келди, халқ фикрини инобатга олишга тўғри келди. Ўйлайманки, сайловлар натижасида одамлар ўз фикрларини баён қилади, кимни қадрласа, кимга ишонса, ўшанга овоз беради», — деди Назарбоев.
Муддатидан аввалги президентлик сайловлари Қозоғистонда 26 апрель куни бўлиб ўтади. 11 март куни Назарбоев номзоди «Нур Отан» партияси томонидан илгари сурилган эди.
Изоҳ (0)