Киевнинг Шевченковский туманида ниқоб кийган икки номаълум шахс журналист Олесь Бузинани ўз уйи яқинида отиб кетди, дея хабар бермоқда «РБК» Украина ички ишлар вазирлигига таяниб.
Украина ИИВ раҳбари маслаҳатчиси халқ депутати Антон Герашченко ўзининг Facebook’даги саҳифасида ёзишича, Бузина кўк рангдаги Ford Focus автомобилидан ўққа тутилган. Унинг сўзларига кўра, машина рақамлари Латвия ёки Белоруссияники бўлган, ва «аниқ Украинаники бўлмаган».
Олесь Бузина — таниқли журналист, ёзувчи ва телебошловчи. 2015 йил январида у «Сегодня» газетасига бош муҳаррир этиб тайинланган, бироқ март ойи бошида цензура борлигини пеш қилиб, ушбу лавозимни тарк этган эди.
Изоҳ (0)