Россияга қарши Ғарб санкциялари, Москва февралда Минскда имзоланган ўт очишни тўхтатиш тўғрисидаги битимни бажарса ва Украина суверенитетини ҳурмат қилсагина, бекор қилинади. Бу ҳақда G7 (АҚШ, Германия, Франция, Италия, Канада, Буюк Британия, Япония) мамлакатлари ташқи ишлар вазирлари 15 апрель, чоршанба куни Любек шаҳрида қабул қилган биргаликдаги коммюникеда айтилади, деб ёзади «РБК».
«Санкциялар бирдан-бир мақсад эмас: уларнинг давомийлиги Россия томонидан Минск келишувлари бажарилиши ва Украина суверенитетининг ҳурмат қилиниши билан аниқ боғлиқ бўлиши керак», — дея таъкидлади ташқи сиёсий идоралар раҳбарлари.
Вазирлар Украина ва Россиянинг ўт очишни тўхтатиш тўғрисидаги битимни бажаришдаги илк қадамларини маъқуллади. Улар, шунингдек Россия ўзининг россияпараст исёнчиларга бўлган таъсиридан фойдаланиши кераклигини қайд этди.
Изоҳ (0)