Ер сайёрасига 40 метрли астероид яқинлашиб келмоқда, деб ёзади «Ntv.ru». Унинг зарби вайронкорлик кучи бўйича Челябинск метеорити зарбасидан анча ошади.
АҚШнинг Техас университети қошидаги Макдональд обсерваториясидан доктор Жудит Рис айтишича, ҳалокатли тўқнашув 2017 йил октябрида содир бўлиши мумкин.
Олимлар 2012 ТC4 номи остидаги ушбу объект ҳажмини тахминан 40 метр деб баҳоламоқда, бу Озодлик ҳайкалининг пьедесталдан тепа қисми узунлигига тенгдир. Таққослаш учун, таниқли Челябинск метеорити диаметри 17 метрни ташкил этган, унинг зарбасидан 1,5 минг киши зарар кўрган.
Доктор Рис ва унинг ҳамкасблари астероиднинг Ер билан тўқнашиш эҳтимолини «миллионга бир» деб баҳоламоқда.
Изоҳ (0)