Рим папаси Францискнинг iPad’и Уругвайдаги кимошди савдосида сотилди, дея хабар бермоқда Meduza.
«Муқаддас жаноблари Франциск» ёзуви туширилган планшетни харидор 30,5 минг долларга сотиб олди. Пул Монтевидеодан 370 километр нарида жойлашган мактабга топширилади.
Аввалроқ Папа Франциск ўз iPad’ини уругвайлик руҳоний Гонсало Аемилюсга берган ва «Бундан яхши иш учун фойдаланишингиз мумкин», — деган эди. У ўз навбатида, планшетни мактабга берган, унинг раҳбарияти Christie’s ёки Sotheby’s каби йирик аукционда сотишга ҳаракат қилди. Кимошди савдо уйлари билан келишиб бўлмагач, iPad Монтевидеода сотувга қўйилди.
Изоҳ (0)