Reddit’нинг ярим миллиондан ошиқ фойдаланувчилари махсус очилган бўлимда 1 апрель куни пайдо бўлган, тескари саноқли сирли тугмани босгани маълум бўлди, деб ёзади Meduza. Бироқ ҳеч ким бу нима учун кераклигини тушунтириб бера олмади.
Тугма ёнида вақтни 60 сониядан нолгача ҳисоблайдиган таймер жойлашган. Ҳар сафар Reddit фойдаланувчиларидан бири тугмани босганида таймер ҳисобни қайтадан бошлайди.
Сервиснинг ҳар бир фойдаланувчиси уни фақат бир марта босиши мумкин, шу билан бирга аккаут 1 апрелгача рўйхатдан ўтган бўлиши керак. Тугмадаги ҳисоблагичга кўра, уни 600 минг марта босишган.
Таймер нолга етганида нима содир бўлиши номаълум — бу ҳозирча юз бергани йўқ. Ҳисоблагич бир неча марта 35 сониягача етган, бироқ ҳар сафар уни кимдир қайтадан ишга туширган.
Изоҳ (0)