SimilarWeb компанияси интернет-трафик ҳажми бўйича мамлакатлар рейтингини тузди, дея хабар бермоқда «Mail.ru». Унда етакчилар учлигини ҳиссасига дунёдаги трафикнинг чорак қисми тўғри келадиган АҚШ (25,05%) ҳамда Буюк Британия (5,51%) ва Россия (5,05%) ташкил қилди.
Таъкидлаш жоиз, ушбу ҳисоботга Хитой киритилмаган, SimilarWeb бу мамлакатда статистика олиб бормайди. Бундан ташқари, рейтингда десктоп трафиги ҳисобга олинади.
Дунёда трафикнинг катта қисми — ташрифларнинг 43,4 фоизи интернет-браузерлардан сайтларга тўғридан-тўғри ўтиш орқали ҳосил бўлди. Қидирув тизимлари ва бошқа манбалар орқали ўтиш трафик ҳажмининг 27,8 ва 21,1 фоизини ишлаб чиқди. Ижтимоий медиа ҳиссасига эса трафикнинг бор-йўғи 5,8 фоизи, реклама ва почта орқали ўтишга эса 1,5 ва 0,4 фоизи тўғри келди.
Изоҳ (0)