Reddit’ning yarim milliondan oshiq foydalanuvchilari maxsus ochilgan bo‘limda 1-aprel kuni paydo bo‘lgan, teskar sanoqli sirli tugmani bosgani ma’lum bo‘ldi, deb yozadi Meduza. Biroq hech kim bu nima uchun kerakligini tushuntirib bera olmadi.
Tugma yonida vaqtni 60 soniyadan nolgacha hisoblaydigan taymer joylashgan. Har safar Reddit foydalanuvchilaridan biri tugmani bosganida taymer hisobni qaytadan boshlaydi.
Servisning har bir foydalanuvchisi uni faqat bir marta bosishi mumkin, shu bilan birga akkaut 1-aprelgacha ro‘yxatdan o‘tgan bo‘lishi kerak. Tugmadagi hisoblagichga ko‘ra, uni 600 ming marta bosishgan.
Taymer nolga yetganida nima sodir bo‘lishi noma’lum — bu hozircha yuz bergani yo‘q. Hisoblagich bir necha marta 35 soniyagacha yetgan, biroq har safar uni kimdir qaytadan ishga tushirgan.
Izoh (0)