Тайвань инвестиция назорат хизмати Хитойнинг Alibaba онлайн супермаркетининг фаолиятида қоидабузаликларни аниқлаб, август ойи охиригача маҳаллий бозордан чиқиб кетишни талаб қилди, деб хабар бермоқда «Интерфакс».

Гап шундаки, Alibaba’нинг Тайванда 2008 йилда рўйхатдан ўтказилган бўлинмаси Хитой эмас, балки Сингапур компаниясининг шўбаси сифатида рўйхатдан ўтказилган бўлиб, бу Тайвань инвестиция қоидаларига зиддир.

Тайвань ва Хитой ўртасидаги мураккаб муносабатлар туфайли оролда Хитой компаниялари инвестиция киритиши учун махсус комиссиядан рухсат олиши лозим. Сингапур компаниясининг бўлими сифатида рўйхатдан ўтиш эса Alibaba’га бу талабни четлаб ўтиш имконини берган.