Ўзбекистон Ички ишлар вазирлигига қарашли Республика «Қўриқлаш« бирлашмаси томонидан «Хавфсиз шаҳар» лойиҳаси амалга оширилмоқда, деб хабар беради «Газета.uz».
Ушбу лойиҳа доирасида мамлакат бўйлаб илғор интеграциялашган қўриқлаш ва хавфсизлик тизими жорий этилади.
Автоматлаштирилган марказий кузатув тизими ва техник қўриқлов пунктлари хабарномаларини узатиш тизими яратилиши ва Республика «Қўриқлаш« бирлашмаси бўлинмаларининг ҳаракатга келиши 2013 йил июндаги «Миллий ахборот-коммуникация тизимини янада ривожлантириш чора-тадбирлари тўғрисида»ги президент қарорига кўра амалга оширилмоқда.
Техник қўриқлаш ислоҳоти уч босқичда амалга оширилиши режалаштирилган бўлиб, лойиҳанинг синов босқичи бир неча ҳудудларда – Тошкент шаҳри, Тошкент вилояти, Сирдарё, Самарқанд ва Жиззах вилоятларида 2015 йилнинг биринчи чорагидаёқ тугатилади. Бутун республика бўйича эса 2016 йилнинг охирига қадар давом этади.
Республика «Қўриқлаш« бирлашмаси лойиҳаси натижаси ўлароқ, қўриқлов-ёнғин сигнализацияси, кабелли коллекторлар орқали кўп қаватли биноларнинг умумий эшиги ҳимоясини ҳамда автомобиль йўллари, банкоматлар, нефть ва газ қувурлари ва транспорт воситаларини қўриқлашни амалга ошириш имкони пайдо бўлади.
Изоҳ (0)