Долларга нисбатан рубль курсининг анча тушиб кетгани, Россиянинг йирик банкларига қарши санкциялар киритилгани, Россия бозорида сайёҳлар фаоллигининг тушиб кетганлиги, шунингдек 2015 йил 1 январдан Россия ҳудудига кириб келадиган хорижий фуқаролар учун миграция қоидалари кучайтирилгани «Ўзбекистон ҳаво йўллари» МАКнинг Россия ҳудудидаги пунктларга учадиган рейслари сиғими ва молиявий кўрсаткичларига салбий таъсир ўтказди. Бу ҳақда «Ўзбекистон ҳаво йўллари» МАК тижорат бўлими расмий хабарига таяниб, «Anhor.uz» хабар берди.
Бироқ ушбу йўналишлар бўйича умумий талаб тушганлигига қарамай, авиакомпания ҳозирча маълум бир йўналишлар бўйича парвозларни тўхтатмоқчи эмас. МАК ҳаво кемаларини кичик сиғимли кемаларга алмаштириш, кам юкли рейсларни онда-сонда бекор қилиш каби харажатларни оптималлаштириш чораларини кўрмоқда.
Нашрнинг эслатишича, аввалроқ Россия ОАВлари «Ўзбекистон ҳаво йўллари» рубль беқарорлиги ва рейслар тўлмаётгани сабабли Россияга парвозларни қисқартираётгани ҳақида хабар берган эди.
Изоҳ (0)