2014 йилда Латвияда таҳсил олаётган ўзбекистонлик талабалар сони рекорд даражага етди
Ўтган йили Латвияда таълим олаётган ўзбекистонлик талабалар сони рекорд даражага етди, деб хабар беради «12news.uz» Латвия Ташқи сиёсат институти директори Андрис Спрудсга таяниб.
«Марказий Осиё билан ҳамкорлик Латвия иқтисодиётига умумий ялпи маҳсулотнинг 1 фоизини келтирса, 2014 йилда таълим экспорти янги Осиё етакчиларини аниқлади: ўтган йили Латвияда таълим олаётган ўзбекистонлик талабалар сони рекорд даражага етди. Умумий ҳисобда Латвиядаги чет эллик талабаларнинг кўпчилигини асосан германиялик талабалар ташкил этарди, аммо улар у ерда асосан алмашиш дастури бўйича таълим олади», — деди сиёсатшунос.
Аввалроқ Латвия Республикаси Сеими Ташқи алоқалар қўмитаси раиси Оярс Эрикс Калниньш Латвияда 400 га яқин ўзбекистонлик талабалар таҳсил олаётганлигини маълум қилганди.
