Ўзбекистонлик спортчилар оғир атлетика бўйича ёшлар ўртасидаги Осиё чемпионатида 6 та медални қўлга киритди

Қатарнинг Доҳа шаҳрида оғир атлетика бўйича ёшлар ўртасида ўтказилаётган Осиё чемпионатида ўзбекистонлик ёш спортчилар 3 та кумуш ва 3 та бронза медални қўлга киритишди. Бу ҳақда Ўзбекистон Миллий ахборот агентлиги хабар қилди.

Нуфузли мусобақа ғолиб ва совриндорларини Тошкент халқаро аэропортида Ўзбекистон оғир атлетика федерацияси вакиллари, спорт жамоатчилиги, оммавий ахборот воситалари ходимлари кутиб олди.

Осиё чемпионатида дунёнинг йигирмага яқин давлатидан 200 нафардан зиёд спортчи иштирок этди. Унда Ватанимиз шарафини ҳимоя қилган Суннатилла Шокиржонов, Фарҳод Собиров, Азимжон Ғаниев каби спортчилар ғолиб ва совриндорлар қаторидан жой олишди.