32 ёшли хонанда, актриса ва телебошловчи Вера Брежнева Бирлашган миллатлар ташкилотининг ОИВ/ОИТСга қарши кураш дастурининг Эзгу ирода элчиси этиб тайинланди. Актриса эндиликда Шарқий Европа ва Марказий Осиё мамлакатларида тиббий ва ижтимоий ташвиқот олиб бориш билан шуғулланади, деб хабар бермоқда «Segodnya.ua».
Элчи лавозими Вера Брежневага одам иммун танқислиги вируси профилактикаси бўйича ташкил этиладиган кампанияларда иштирок этиш мажбуриятини юклайди. Хонанда асосий эътиборни ОИВ инфекцияси билан касалланган аёллар муаммоларига қаратади. Шунингдек, у вируснинг онадан болага ўтишини олдини олиш дастури фаолиятини назорат қилади.
Ўз навбатида, Вера Брежнева бугунги куннинг долзарб муаммоларини ҳал қилишда БМТ фаолларига ёрдам бериш у учун катта шараф эканлигини таъкидлаб ўтди.
Изоҳ (0)