Зимбабвенинг Квекве шаҳридаги стадионда ваъзхон Уолтер Магаянинг тунги чиқишидан сўнг содир бўлган ур-йиқитда 11 киши ҳалок бўлди, дея хабар бермоқда The Chronicle.
Дастлабки маълумотларга кўра, полиция стадион чиқиш дарвозаларининг фақат биттасини очиқ қолдириб, қолган ҳаммасини беркитиб қўйган, бироқ 15 минг кишилик оломон улардан ошиб ўтмоқчи бўлган. Шунда ҳуқуқни муҳофаза қилиш органлари ходимлари одамларни тўхтатмоқчи бўлиб, уларга қарши кўзни ёшлантирувчи газ қўллаган, натижада ваҳима бошланиб, ур-йиқит юзага келган.
Тиқилинчда 11 киши, шу жумладан ҳомиладор аёл ва уч нафар бола ҳалок бўлди, яна кўплаб кишилар жароҳат олди. Полициядагилар ҳодиса тафсилотларини аниқлаштирмоқда.
Ваъзхон кишилар ҳалок бўлгани юзасидан ҳамдардлик билдирди. Магая барча айбни ўз бўйнига олишини маълум қилди.
Изоҳ (0)