Россия президенти Владимир Путин ўзининг исми ва расми турли маҳсулот ишлаб чиқарувчилари томонидан тижорат мақсадларида ишлатилишини маъқулламайди. Бу ҳақда президент матбуот котиби Дмитрий Песковга таяниб, «Известия» хабар берди, деб ёзади ТАСС.
«Бироқ бундай ҳодисаларга қарши кураш кун тартибимизда асосий масала эмас», — дея қўшимча қилди Песков.
Нашрнинг қайд этишича, айни пайтда Россияда Путин сурати туширилган кийим-кчаклар тўпламлари чиқарилмоқда. Бундан ташқари, Қуддусда «Путин бар» муассасаси, Сербиянинг Нови-Садида эса «Путин» кафеси фаолият юритади. Путин исми ва расми туширилган тилла ва титан смартфонлар, гаджетлар учун ғилофлар, идишлар, осма соатлар сотилади.
Эслатиб ўтамиз, яқинда Россия президенти Владимир Путин кетма-кет иккинчи йил Forbes версияси бўйича дунёнинг энг нуфузли кишиси деб эътироф этилди.
Изоҳ (0)