Британиялик сиёсатчи, Буюк Британиянинг 61- ва 63-бош вазири Уинстон Черчилль 1947 йилда АҚШга мурожаат қилиб, Совет Иттифоқига ядро зарбасини беришни қаттиқ туриб таклиф қилган. Бу ҳақда АҚШ Федерал қидирув бюроси махфий ҳужжатларига таяниб, Лондоннинг Mail On Sunday газетаси хабар берди, деб ёзади ТАСС.
«Черчиллнинг фикрича, Совет Иттифоқига огоҳлантирувчи зарба бериш коммунистлар томонидан Ғарбнинг босиб олинишига қарши ягона чора бўлган», — деб ёзади нашр. Mail On Sunday Совет Иттифоқи ўзининг илк атом бомбасини 1949 йилдагина яратиб, муваффақиятли синовдан ўтказиши мумкин бўлганини, унгача эса ядро ҳужуми қаршисида чорасиз бўлганини ёзади.
Газета қўлига келиб тушган ҳужжат Буюк Британияда Черчилль ва АҚШ сенатори Стайлз Брижес учрашуви якунлари бўйича ФҚБ агенти томонидан ёзилган ҳисоботдир. Унда ёзилишича, Черчилль сенатордан президент Tрумэнни Совет Иттифоқига ядро зарбасини беришга кўндиришни қатъий сўраган. Британиялик сиёсатчи фикрича, шундан сўнг Совет Иттифоқи жиддий хавф солмаган бўларди.
Изоҳ (0)