Шанхай ҳамкорлик ташкилотининг Минтақавий аксилтеррорчилик тузилмаси (ШҲТ МАТТ) ва Интерпол терроризмга қарши кураш масалалари бўйича ҳамкорликни кенгайтирмоқчи. Бу ҳақда МАТТ сайтига таяниб, «РИА Новости» хабар бермоқда.
Яқинда ШҲТ МАТТ Ижроия қўмитаси директори Чжан Синьфэн ва Интерпол бош котиби Рональд Ноубл ўзаро муроса тўғрисидаги меморандумни имзолади. Ҳужжат Интерполнинг Монакодаги 83-Бош ассамблеяси чоғида имзоланди.
Шундан сўнг ташкилотлар раҳбарлари ўзаро манфаатли бўлган масалалар бўйича ва хавфсизлик соҳасидаги ҳамкорликнинг истиқболли йўллари ҳақида фикр алмашди.
Изоҳ (0)