Чеченистон раҳбари Рамзан Қодиров Грознийдаги концерт залида юз берган портлашда ҳалок бўлган полициячиларнинг қариндошларига ва яқинларига ҳамдардлик изҳор этди, дея хабар бермоқда «РИА Новости».
«Портлашга алоқадор бўлганларнинг барчасини топиб, йўқ қиламиз», — дея таъкидлади у.
Қодировнинг айтишича, полиция ходимлари «биринчи постдаёқ бу шайтонни тўхтатиб, теракт олдини олган».
Грознийдаги портлаш Шаҳар кунига бағишланган концерт олдидан рўй берди. Концерт залига кираверишда полициячилар диққатини тортган шубҳали йигит ўз-ўзини портлатиб юборди. У икки ой аввал уйидан чиқиб, бедарак кетган 19 ёшли маҳаллий фуқаро бўлиб чиқди.
Сўнгги маълумотларга кўра, портлаш натижасида беш полициячи қурбон бўлган, яна 12 нафари жароҳат олган.
Изоҳ (0)