КХДР етакчиси Ким Чен Инда «саломатлиги билан боғлиқ ҳеч қандай муаммо йўқ». Бу ҳақда Корея Республикаси бирлашув вазири баёнотига таяниб ТАСС хабар берди.
«Мен Шимолий Корея етакчисининг соғлиғи ҳақида сўраб кўрдим, менга бу борада ҳеч қандай муаммо йўқлигини айтишди», — деди бирлашув вазири Рю Гиль Чже Инчеонда КХДР ҳукумати делегацияси билан учрашувдан сўнг.
Аввалроқ Ким Чен Ин сентябрь ойида оғир операцияни бошидан кечиргани ҳақида хабар берилган эди.
25 сентябрь куни 3 ҳафтадан буён оммага кўринмаган Ким Чен Ин КХДР олий халқ кенгашининг навбатдаги сессиясида қатнашмагани хабар қилинган эди. Шу куни КХДР телевидениесида Ким Чен Иннинг оқсоқланаётгани кўрсатилган бўлиб, етакчининг соғлиғи жойида эмаслиги ҳам айтилган.
Изоҳ (0)