Шимолий Корея давлат телевидениеси мамлакатнинг 31 ёшли раҳбари «ноқулай жисмоний ҳолат»ни бошидан кечираётганини маълум қилган, аммо бундай ҳолнинг сабаби ошкор қилинмаган, деб хабар бермоқда AP.
Ким сулоласининг учинчи вакили уч ҳафтадирки оммага кўринмаяпти. Ким Чен Ин Шимолий Кореянинг олий қонун чиқарувчи ва вакиллик органи – Олий халқ кенгаши сессиясида ҳам иштирок этмаган. КХДР етакчисининг бу сессияда қатнашмагани унинг соғлиги борасидаги навбатдаги миш-мишлар тарқалишига сабаб бўлган. Пайшанба оқшомида эса мамлакат телевидениесида намойиш этилган Ким Чен Иннинг доимий текширув ташрифларидан бири ҳақидаги ҳужжатли кадрда етакчининг чўлоқланаётгани кўриниб турган.
Кимнинг заводлар ва ҳарбий гарнизонларга бу йилги ташрифларининг расмий видеоёзувларида ортиқча вазндан азият чекаётгани билиниб турган КХДР етакчисининг бироз оқсоқланиб юрганини сезиш мумкин. Раҳбарнинг кенг шимлари ҳам юришнинг нотекислигини билдирмаслик учун махсус тикилгани айтилмоқда.
Жанубий Корея матбуоти эса Ким Чен Ин спортда орттирилган жароҳат ёки наслий касалликлардан бири билан оғригани ҳақидаги тахминларни илгари сурган.
Изоҳ (0)