Бугун, 26 сентябрь куни Москвада МДҲ Иқтисодий кенгашининг 63-мажлиси бўлиб ўтади, дея хабар бермоқда UzDaily.
Кун тартибидан МДҲ давлатларининг иқтисодиёт соҳасидаги ҳамкорликлари масалалари ўрин олган. Шу жумладан, МДҲ давлатларининг атом энергиясидан тинч мақсадларда фойдаланиш соҳасидаги Ядро ва радиация хавфсизлиги концепцияси лойиҳаси, шунингдек МДҲда маҳсулотларнинг ишлаб чиқарилган давлатларини аниқлаш қоидалари ҳақидаги битимга ўзгартириш киритиш тўғрисидаги баённома муҳокама этилади.
Мажлис давомида МДҲ давлатларида банк бошқаруви ва назорати соҳасидаги тартибга солиш режими, Ҳамдўстлик мамлакатларидаги ишлаб чиқарувчилар томонидан таклиф этилаётган рақобатбардош маҳсулотларнинг жамланган рўйхати ҳақидаги масалалар ҳам кўриб чиқилади.
Бундан ташқари, мажлис иштирокчилари қатор ташкилотчилик ва бюджет-молиявий масалаларни муҳокама қилади.
Изоҳ (0)