Тожикистондаги 201-Россия ҳарбий базаси 22 сентябрь, душанба куни тревога билан уйғотилди, дея хабар бермоқда «РИА Новости» база вакили Ярослав Рошчупкинга таяниб.
«Бугун базада қўмондонлик-штаб машғулотлари бошланди, улар Самбули полигонида ўтказилади. У ерда ўқчилик, танк, артиллерия ва разведка бўлинмаларининг ҳарбий хизматчилари мудофаа ва ҳужумларни тайёрлаш ва олиб бориш, манёвр ҳаракатларини амалга ошириш, қўпорувчилик ва террорчилик гуруҳларини қидириш ва йўқ қилиш малакаларини ҳосил қилиш учун машқ бажаради», — деди у.
Шунингдек, база полигонида миналанган майдонлар, сим тўсиқлар ҳам бўлиб, шартли душман томонидан бериладиган ўтли зарбаларга тақлид қилувчи воситалар фаол равишда қўлланилади.
Ҳарбий ўқув машғулотларида жами 500 нафар ҳарбий хизматчи қатнашиб, 100 дона қурол-яроғ ва ҳарбий техника қўлланилади.
Изоҳ (0)