Tojikistondagi 201-Rossiya harbiy bazasi 22-sentabr, dushanba kuni trevoga bilan uyg‘otildi, deya xabar bermoqda “RIA Novosti” baza vakili Yaroslav Roshchupkinga tayanib.
“Bugun bazada qo‘mondonlik-shtab mashg‘ulotlari boshlandi, ular Sambuli poligonida o‘tkaziladi. U yerda o‘qchilik, tank, artilleriya va razvedka bo‘linmalarining harbiy xizmatchilari mudofaa va hujumlarni tayyorlash va olib borish, manyovr harakatlarini amalga oshirish, qo‘poruvchilik va terrorchilik guruhlarini qidirish va yo‘q qilish malakalarini hosil qilish uchun mashq bajaradi”, — dedi u.
Shuningdek, baza poligonida minalangan maydonlar, sim to‘siqlar ham bo‘lib, shartli dushman tomonidan beriladigan o‘tli zarbalarga taqlid qiluvchi vositalar faol ravishda qo‘llaniladi.
Harbiy o‘quv mashg‘ulotlarida jami 500 nafar harbiy xizmatchi qatnashib, 100 dona qurol-yarog‘ va harbiy texnika qo‘llaniladi.
Izoh (0)