21 сентябрь, якшанба куни 300 мингдан ортиқ киши Нью-Йорк кўчаларида иқлим ўзгаришлари муаммосига эътибор қаратиш мақсадида намойиш уюштирди, дея хабар бермоқда ИТАР-ТАСС.
«Халқ иқлим марши»да сиёсатчилар, олимлар, турли экологик ва касаба уюшмалари ташкилотлари вакиллари, талабалар, диний етакчилар, шунингдек кўплаб таниқли кишилар, жумладан британиялик рок мусиқачи Стинг, Голливуд актёрлари Марк Руффало ва яқинда БМТнинг иқлим ўзгаришлари масалалари бўйича тинчлик элчиси этиб тайинланган Леонардо Ди Каприо қатнашди.
Намойишга БМТ бош котиби Пан Ги Мун ҳам қўшилди. У «Мен иқлим ўзгаришига қарши кураш тарафдориман» ёзуви туширилган футболка кийиб олиб, таниқли приматолог (маймуншунос) Жейн Гудолл ва Франция экология вазири Сеголан Руаяль ҳамроҳлигида марш қилди.
«Иқлим марши» 23 сентябрь куни Нью-Йоркда БМТ Бош Ассамблеясининг навбатдаги сессияси доирасида бўлиб ўтадиган иқлим бўйича саммит арафасида ўтказилди. Унда 120 давлат ва ҳукумат раҳбарлари иссиқхона газларини ажратиб чиқаришни камайтириш тўғрисидаги умумий битимни муҳокама қилишади, у 2015 йил охирида Парижда имзоланиши керак.
Изоҳ (0)