25 сентябрь куни БМТ Бош Ассамблеясида Хавфсизлик Кенгаши аъзоларини қарорларга якка тартибда вето қўйиш ҳуқуқидан маҳрум қилиш масаласи муҳокама этилади.
Бу ҳақда Украина телеканалларидан биридаги эфирда мамлакат ташқи ишлар вазири Павел Климкин маълум қилди, деб ёзади Korrespondent.net.
«Бу биринчи навбатда Хавфсизлик Кенгашининг доимий аъзоси — Россияга тегишлидир, у Украинадаги вазият билан боғлиқ, ўзи учун манфаатли бўлмаган қарорларга доимий равишда вето қўйиб келади», — деди у.
Эслатиб ўтамиз, 16 сентябрда БМТ Бош ассамблеясининг 69-сессияси расман очилди. Анъанавий умумий музокаралар 24 сентябрь куни бошланиб, 1 октябрга қадар давом этади.
Изоҳ (0)