Москва метросининг «Дмитровская» бекатида рельсга тушиб кетган киши ҳалок бўлди, дея хабар берди «РИА Новости» пойтахт ҳуқуқни муҳофаза қилиш органларига таяниб.
«Рельсга одам тушиб кетганидан кейин «Дмитровская» бекатидан вилоят томонга қараб кетувчи поездлар ҳаракати тўхтатилди», — деди агентлик суҳбатдоши. Унинг аниқлик киритишича, ҳаракат 23 дақиқага тўхтатилган.
Айни пайтда воқеа билан боғлиқ вазиятлар ўрганилмоқда.
Москва транспорт департаменти ахборот маркази бахтсиз ҳодисанинг 12:11 (Тошкент вақти билан 13:11)да содир бўлганини хабар қилган. 12:45 да қурбонни олиб чиқишган, шундан сўнг ҳаракат қайта йўлга қўйилган.
Эслатиб ўтамиз, 13 август куни Москва метросининг Замоскворецк йўналишидаги бекатлардан бирида ҳам йўловчи рельсга тушиб кетиб ҳалок бўлгани хабар берилган эди.
Изоҳ (0)