Хитойнинг Цзинин шаҳрида олти ёшли бола кўчанинг транспорт юрадиган қисмида ўйнаб ўтирганида муюлишдан автомобиль чиқиб келди. Видеокамера машинанинг бир сонияга бўлса-да тўхтамай, болани босиб ўтганини муҳрлаган. Ҳайратланарлиси шуки, шундан кейин ҳам болакай ўрнидан сакраб турган ва уйига югуриб кетган, деб ёзади Mirror.
Видеоёзувни кўргач, болакайнинг ота-онаси ваҳимага тушган, ўзларининг эътиборсизлигидан фарзандининг сал қолса ҳалок бўлиши мумкинлигини кўз олдига келтириб, йиғлаб юборган.
Маълум бўлишича, боланинг юзи ва оёғи кичик жароҳатлар олган. Полициячилар фикрича, у автомобиль ғилдираклари орасида қолиб кетгани учун тирик қолган. Видеоёзувда йўлтанламас автомобилнинг болакайни сезмай қолганини кўриш мумкин. Ҳозирда маҳаллий ҳукумат ҳайдовчини қидирмоқда.
Изоҳ (0)