Қирғизистон ва Тожикистон чегарачилари ўртасида яна отишма бўлиб ўтди, дея хабар берди ИТАР-ТАСС қирғиз чегара хизматига таяниб. Воқеа Қирғизистондаги Лайлак туманида жойлашган Сой қишлоғида юз берган.
«Тожикистонлик чегарачилар давлат чегарасидаги келишилмаган майдонга чегара постини ўрнатмоқчи бўлди, — деди хизмат вакиллари. — Худди шу вақтда қўшни давлатнинг Овча-Қалача қишлоғи фуқаролари Гулкандоз дарёсидан Қирғизистон фуқаролари ўз ҳудудларига ўтадиган кўприкни экскаватор ёрдамида бузиб ташлашга уринаётган эди». Қирғизистон чегарачилари кўприкни бузишни тўхтатишни, шунингдек келишилмаган ҳудуддан янги постни олиб ташлашни талаб қилишди. Бунга жавобан Тожикистон ҳарбий хизматчилари уларга қарата ўт очди.
«Отишма пайтида тожик томони миномётлардан фойдаланди», — дея таъкидлади Қирғизистон чегара хизматидагилар. Ходимлар сўзларига кўра, айни пайтда давлат чегарасидаги вазият кескин бўлиб қолмоқда.
Бу икки давлат чегарачилари ўртасида шу йил ҳисобидан учинчи отишмадир. Ушбу тўқнашувларда бир нафар ҳарбий хизматчи ҳалок бўлган, ўнга яқини яраланган.
Изоҳ (0)