ZTE компанияси уч хил турдаги Nubia Z7 смартфонларини тақдим этди

ZTE компанияси Nubia Z7, Nubia Z7 Max ва Nubia Z7 Mini смартфонлари линейкасини расман тақдим этди. Бу ҳақда Ubergizmo сайти хабар берди.

Nubia Z7 смартфонининг хусусиятлари LG G3 смартфони билан ўхшаш бўлиб, унда 5,5 дюймли QHD дисплейи, тўрт ядроли Qualcomm Snapdragon 801 процессори, 3 Гб тезкор ва 32 Гб ички хотира, 13 мегапикселли асосий камера ўрнатилган. У икки сим карта билан ишлай олади.

Шунингдек, Nubia Z7 Max смартфони ҳам тақдим этилди. Унда QHD дисплейи ўрнига Full HD дисплей ўрнатилган ва у фақатгина шуниси билан Nubia Z7 смартфонидан фарқ қилади.

Nubia Z7 Mini’да ҳам барча хусусиятлар ўхшаш, лекин унда кичикроқ, 5 дюймли Full HD дисплей ўрнатилган.

Nubia Z7 557 доллар, Nubia Z7 Max 322 доллар ва Nubia Z7 Mini 242 доллар нархда сотилади.