Facebook ижтимоий тармоғи асосчиси Марк Цукерберг The Wall Street Journal газетаси учун интернетга уланишнинг очиқлиги ҳақида мақола ёзди. Унда тадбиркор технологик етакчиларнинг асосий вазифаси — ҳар бир кишига интернетни етказиб беришдан иборатлигини таъкидлади. Бу ҳақда «Новая газета» нашри хабар берди.
«Кишиларда интернетга уланиш имконияти бўлса, улар нафақат ўз дўстлари, оилалари ва ҳамжамиятлар билан боғланади, балки глобал иқтисодиётда ҳам иштирок этишади», — деб ёзади Цукерберг.
Бугунги кунда дунё аҳлининг учдан бир қисмигина ёки 2,7 миллиард киши интернетга уланиш имконига эга. Интернетга уланишнинг ўсиши ҳам йилига 9% кўрсаткич билан жуда секин бормоқда.
Цукерберг технологиялар соҳасидаги баъзи етакчилар, жумладан Facebook томонидан ишга туширилган Internet.org лойиҳаси ҳақида гапириб берар экан, у операторлар билан дунё бўйича бепул базавий интернет тақдим этиш бўйича иш олиб боришга қаратилганини таъкидлади.
«Дунё бўйлаб 911 хизматига қўнғироқ қилиш бепул бўлгани каби, келажакда интернетдан фойдаланиш ҳам ана шундай тўлов талаб этилмайдиган хизматга айланади», — деди у.
Изоҳ (0)