ZTE kompaniyasi uch xil turdagi Nubia Z7 smartfonlarini taqdim etdi

ZTE kompaniyasi Nubia Z7, Nubia Z7 Max va Nubia Z7 Mini smartfonlari lineykasini rasman taqdim etdi. Bu haqda Ubergizmo sayti xabar berdi.

Nubia Z7 smartfonining xususiyatlari LG G3 smartfoni bilan o‘xshash bo‘lib, unda 5,5 dyuymli QHD displeyi, to‘rt yadroli Qualcomm Snapdragon 801 protsessori, 3 Gb tezkor va 32 Gb ichki xotira, 13 megapikselli asosiy kamera o‘rnatilgan. U ikki sim karta bilan ishlay oladi.

Shuningdek, Nubia Z7 Max smartfoni ham taqdim etildi. Unda QHD displeyi o‘rniga Full HD displey o‘rnatilgan va u faqatgina shunisi bilan Nubia Z7 smartfonidan farq qiladi.

Nubia Z7 Mini’da ham barcha xususiyatlar o‘xshash, lekin unda kichikroq, 5 dyuymli Full HD displey o‘rnatilgan.

Nubia Z7 557 dollar, Nubia Z7 Max 322 dollar va Nubia Z7 Mini 242 dollar narxda sotiladi.