Финляндия бош вазири Александр Стубб Apple корпорацияси ва унинг собиқ бош директори Стив Жобсни мамлакатда иш ўринларининг қисқариши ва иқтисодиётнинг емирилишида айблади. Бу ҳақда бош вазир Dagens Industri газетасига берган интервьюсида айтиб ўтди, дея хабар берди «Российская газета».
Стубб фикрича, Финляндия меҳнат бозорининг таянчи бўлмиш Nokia компанияси ва қоғоз саноати Apple маҳсулотлари мамлакатга кириб келиши билан инқирозга юз тутган. «iPhone чиққач, Nokia’га талаб умуман камайиб кетган бўлса, iPad туфайли одамлар қоғоз сотиб олмай қўйди. Стив Жобс халқни иш ўринларидан айирди», — деди у.
Apple’нинг айни пайтдаги раҳбари Тим Кук Nokia’нинг муваффақияизликка учрашига нисбатан бошқачароқ фикр билдирган эди. Унинг сўзларига кўра, Nokia етарлича инновацион бўлмаган. «Инновацияларни жорий этмаслик бизнеснинг ‘ўлими’га олиб келади», — деди у.
Изоҳ (0)