Лондонда сайр учун мўлжалланган кемачанинг Тауэр кўприги билан тўқнашиши натижасида тўққиз киши жабр кўрди, дея хабар бермоқда BBC News.
4 июнь, чоршанба куни бортида 130 нафар йўловчиси бўлган кемача энг юқори тезлигида Тауэр кўпригининг шимолий қисмига бориб урилган.
Авариядан сўнг сув транспорти ўз ҳаракатини Авлиё Екатерина доклари (кема тузатиладиган устахона)га қадар давом эттирган, айнан шу ердан жабрланувчиларни тиббиёт муассасаларига олиб кетган.
«Кун»нинг ёзишича, умумий ҳисобда беш киши, жумладан, тос суяги синиши ва бош-мия шикастланиши ташхиси билан 64 ёшли аёл ҳам шифохонага ётқизилган.
Ушбу ҳодисага қарамай, Темзадаги кемалар ҳаракати тўхтатилмаган. Авария сабабларини аниқлаш юзасидан ҳозирда суриштирув ишлари олиб борилмоқда.
Изоҳ (0)