Варшаванинг Mariott меҳмонхонасидаги тренажёр залида ташриф буюрувчилардан бири ўз телефонига АҚШ президенти Барак Обамани яширинча суратга туширди. Унда Обаманинг тренажёрлар ва гантеллар ёрдамида машқ қилгани акс этган. Бу ҳақда New York Post хабар берди.
Ярим соатча давом этган машғулотда тўқ кўк рангли спорт кийимидаги АҚШ президенти плеерда мусиқа эшитиб машқ бажарган.
Интернет фойдаланувчилари Америка президентининг жисмоний машғулотларини кулгига олди . «Уҳу, бизнинг президентимиз «кучли». Путиннинг ичаги узилаётгандир», — дейилади видеога берилган изоҳларда. Яна бир фойдаланувчи эса «Обама ручка ва телефонни кўтара олиши ҳақида гапирган эди. Ушбу видеони кўрганимдан кейин унинг нимани назарда тутганини тушундим», — дея писанда қилган.
Обама Варшавага 3 июнь куни етиб келган. Бу ерда у ўзининг Европа турнесини бошлади.
Изоҳ (0)