Украина янги президентининг тинчлик режаси «кенг амнистия»ни ўз ичига олади

Украина президентлигига сайловларда ғалаба қозонган Пётр Порошенконинг Варшавадаги матбуот анжуманида баёнот беришича, мамлакат шарқидаги тангликни ҳал қилиш режаси «кенг амнистия» ва ҳукуматни марказлашмаган тизимга ўтказишни ўз ичига олади. Бу ҳақда Euronews хабар берди.

Порошенко Варшавада қатор учрашувлар ўтказди, жумладан АҚШ президенти Барак Обама ва Польша президенти Бронислав Коморовский билан музокаралар олиб борди.

Мухбирлардан бирининг «АҚШдан олинаётган ёрдам Россиянинг норозилигига сабаб бўлмайдими?» деган саволига жавобан, Порошенко Россияни бундан ҳам баттар норози қилиб бўлмаслигини таъкидлади. «Агар Украина ўз ҳудудини ҳимоя қилиш имкониятини кўрсатиб қўймаса, Россия яна нималарни амалга оширишини айтиш қийин», — деди у.

Бундан ташқари, у тинчлик режаси 7 июндаги инаугурациядан кейин эълон қилинишини маълум қилди.