«Дарё» муштарийларидан бири уйдан чиқмасдан ҳисобни қандай тўлдириш мумкин деган савол билан мурожаат қилган:
Ассалому алайкум, ҳурматли «Дарё» таҳририяти!Сиз Ўзбекистоннинг технологик янгиликларини ёритиб борасиз, шунинг учун айнан Сизга мурожаат қилишга қарор қилдим. Жавобингиз учун олдиндан раҳмат.
Менда Uzcard онлайн картаси бор, аммо коммунал тўловлар, интернет, мобил алоқа ва кабел ТВ хизматларига тўлаш учун доим уларнинг офисларига боришимга тўғри келади. Ундан ташқари, вақтим фақат ишдан олдин ва кейин бўлади, бир қатор компанияларнинг ғазналари эса менинг бўш вақтимда ишламайди. Бу хизматларнинг барчасини картам орқали битта жойда ва соат 18:30 дан ҳеч бўлмаса 20:00 гача тўлашнинг имкони борми?
Ҳурмат билан,Сарвар (муаллифнинг исми ўзининг илтимоси билан ўзгартирилган)
Салом, Сарвар!Долзарб бўлган саволингиз учун раҳмат! Ҳурмат билан сизга барчани суюнтирадиган янгиликни маълум қиламиз: энди провайдерларнинг хизмати учун ҳисобингизни офис ёки уйингиздан чиқмасдан, дала ҳовли ёки тоғдан тушмасдан тўлдиришингиз мумкин. Бунинг учун фақатгина уяли телефон ва интернетга уланиш мавжуд бўлиши керак.
MBank дастури орқали сиз Beeline, Beeline симли интернети, Perfectum Mobile, TPS, «Шарқ Телеком», UzDigitalTV, «Махсустранс», FiberNet, «ЎзТрансГаз» ва «Ўзбекэнерго» каби компаниялардаги ҳисобингизни тўлдиришингиз мумкин.
MBank'ка қандай уланади?
1. Uzcard EMV (онлайн) картасининг эгаси бўлишингиз керак.2. SMS-билдиришномаларни ёқинг. Бунинг учун бизга тўқ сариқ рангдаги тўлов терминали керак бўлади. Унинг кўриниши мана бундай:
Бундай терминаллар республикамиз банклари ичида жойлашган. Биз ушбу мақолада Ўзбекистон Банклар ассоциацияси биносида жойлашган терминалдан фойдаландик.
SMS-билдиришномаларни ёқиш учун қуйидаги амалларни бажаринг:
Табриклаймиз! Биринчи қадамни мувафаққиятли якунладингиз! SMS-билдиришномалар ёқилганлиги ҳақида телефонингизга SMS келади:
Энди ҳар бир транзакция (тўлов) дан кейин сизга қуйидаги кўринишда SMS келади:
Бундай SMS’лар орқали сиз карточкангизда қанча кирим, қанча чиқим бўлганини назорат қилишингиз мумкин
3. Мобил дастурни Google Play дўконидан ёки App Store орқали юклаш учун «moybank uzcard» деб қидиринг. Тугмали телефонга эса mbank.uz сайтидан java-дастурни юклаш мумкин.
4. Дастурни ўрнатиб, телефон рақамини, карта рақамини ва картанинг ишлаш муддатини киритинг.
5. SMS орқали келган бир марталик кодни киритинг.
6. Фамилия, исмингиз ва отангизнинг исмини ҳамда шахсий пин-код киритинг. Уни энди доим шахсий кабинетга кирганингизда киритишингиз керак
Дастурнинг ўзи — бепул. Тўловларни амалга оширишда олинадиган комиссия қуйидагича:
- Beeline — 0%
- Beeline Interнет — 0%
- Perfectum Mobile — 3%
- «Шарқ Телеком» — 0%
- TPS — 0%
- FiberNet — 0%
- Електр тармоғи — 0%
- Газ — 0%
- «Махсустранс» — 0%
Реклама
Изоҳ (0)