Немис олимлари учувчининг фикр кучи ёрдамида учиш-қўниш имкониятига эга самолёт прототипини ишлаб чиқди. Ихтиро Brainflight («Мия парвози») деб ном олди. Бу ҳақда TechCrunch нашри хабар берди.
Берлин ва Мюнхен техника университетлари ихтироси Евроиттифоқ томонидан молиялаштирилмоқда. У учувчининг бошига электродлар ёрдамида уланадиган ускунадан иборат. Синовларда етти киши қатнашди, улардан бири самолётни бошқаришда ҳеч қандай тажрибага эга бўлмаган. Уларнинг барчаси авиация тренажёрини муваффақият билан ердан кўтариб, худди шу тарзда қўндирган.
Олимларнинг мақсади алоҳида тайёргарликка эга бўлмаган ҳар қандай кишига самолётни бошқариш имкониятини тақдим этувчи бошқарув тизимини яратишдан иборат. Ушбу ихтиро кенг жамоатчиликка қачон намойиш этилиши номаълум.
Изоҳ (0)