Россиянинг «Спутник» қидирув тизими аудиторияси бир ҳафта ичида 8,5 марта камайди

Бета-версияси ишга туширилганидан икки ҳафта ўтиб, «Спутник» қидирув-сервис платформасига ташриф буюрувчилар сони тахминан олти марта тушиб кетди. Бу ҳақда LookAtMe хабар берди.

22 май (ишга туширилган) куни фойдаланувчилар «Спутник» қидируви натижалари орқали бошқа сайтларга 141,8 минг марта ўтишган. 27 майга келиб, ушбу кўрсаткич 23,6 мингтагача, 28 май куни кечқурун 16,5 мингтагача камайган. Натижада Россия ҳудудидан бериладиган қидирув сўровлари ичида «Спутник» ҳиссаси 0,01 фоизга тушиб қолди. Таққослаш учун, бир суткада қидирув сўровларининг 62,2 фоизи «Яндекс», 27,7 фоизи Google ва 7,3 фоизи Mail.ru ҳиссасига тўғри келади.

«Спутник» қидирув сервисини 22 май куни «Ростелеком» ишга туширган эди. Тизим дорихоналар, ёқилғи шохобчалари, давлат хизматлари, ташкилотлар бўйича қидирув, шунингдек, теледастур, об-ҳаво маълумоти, янгиликлар хизматларини ҳам тақдим этган. Кейинроқ компания тўрт йил ичида ушбу қидирув тизими маҳаллий сайтлар орасида ташрифлар бўйича юқори ўнталикка кириши кераклигини таъкидлаган.