Microsoft корпорацияси ўзининг Skype сервиси базасида ҳақиқий вақт режимида ишлайдиган таржима функциясини ишлаб чиқмоқда. Бу ҳақда компания бош директори Сатя Наделла Калифорниядаги матбуот анжуманида журналистларга маълум қилди, дея хабар берди «ИТАР-ТАСС».
Skype Translator («Скайп таржимон») деб ном олган функция фойдаланувчиларга 2014 йил охиригача Windows 8 операцион тизими бета-версиясида ҳавола этилади.
Матбуот анжуманида Microsoft бош директори ва Skype раҳбари Гурдил Сингх Палл сервиснинг янги имкониятларини намойиш этди. Наделла немис тилида Палл билан суҳбатлашди, Skype шу оннинг ўзидаёқ нутқни немис тилидан инглиз тилига ёзма равишда таржима қилиб берди. Таржима функцияси айни пайтда 40 та тил билан ишлай олади.
Изоҳ (0)