Google ўз-ўзини бошқарувчи автомобилларни ишлаб чиқаришга киришишга тайёр, дея хабар берди Interfax. Ушбу машиналарда «юриш-тўхташ» тугмасидан бошқа ҳеч қандай бошқарув воситаси бўлмайди.
Транспорт воситаси икки кишига мўлжалланган. У электр двигательига эга бўлиб, тезлиги соатига 40 километрга тенг.
Машинанинг одатда бампер жойлашадиган олд қисми кўпиксимон юмшоқ материалдан ишланган, шу туфайли у йўловчилар учун хавфсиздир. Шунингдек, ундаги ойналар ҳам эгилувчандир.
Лойиҳа танқидчиларининг фикрича, ихтиро автомобиль оқимининг кескин кўпайиб, шаҳарлар кенгайишига сабаб бўлиши мумкин.
Дастур бошидан буён Google’нинг ўз-ўзини бошқарувчи автомобиллари миллионлаб километр йўл босиб, турли маълумотларни йиғди ҳамда кутилган (қизил чироқда тўхташ) ва кутилмаган (қоидани бузиб ўтиб кетиш) ҳодисаларга реакция қилишни ўрганди.
Изоҳ (0)