NASAning 69 yoshli astronavti Don Pettit Yer orbitasidan olingan yashil qutb yog‘dusi qanday ko‘rinishini namoyish qildi.
Video Xalqaro kosmik stansiyaning Avstraliya va Antarktida o‘rtasidagi sovuq suvlardan o‘tganida olingan. Kadrda janubiy yog‘duning to‘lqinlari ko‘rinadi. U Quyosh shamoli bilan atmosferaning yuqori qatlamlaridagi kislorod o‘zaro ta’sirlashganida yuzaga keladi.
Shuningdek, astronavt sayyoraning bir qismi ustida yashil tumanli turbulentlikni ko‘rsatgan, biroq video aynan qayerda olinganini aytmagan.
Yashil rang qutb yog‘dusining eng keng tarqalgan tusidir. U Quyosh shamolining zaryadlangan zarrachalari Yer sirtidan taxminan 100—300 km balandlikdagi kislorod atomlari bilan o‘zaro ta’siri natijasida yuzaga keladi. Aynan kislorod qo‘zg‘alganda yashil spektrda yorug‘lik chiqaradi, biz uni osmonda raqsga tushayotgan yorug‘lik to‘lqinlari sifatida kuzatamiz. Qutb yog‘dusi odatda yuqori kengliklarda — shimoliy va janubiy magnit qutblari yaqinida paydo bo‘ladi.
69 yoshli Pettit o‘zining Yerdan tashqaridagi fotosuratlari va tajribalari bilan mashhur bo‘lib, ularni X orqali ommaga tez-tez ulashib turadi.
Izoh (0)