Toshkent shahar Yashnobod tumanida joylashgan mebel ishlab chiqarish korxonasida yong‘in sodir bo‘ldi. Bu haqda poytaxt FVB axborot xizmati xabar berdi.
Qayd etilishicha, 8-may kuni soat 11:25 da Yashnobod tumani, Muxtor Ashrafiy ko‘chasida mebel ishlab chiqarish korxonasida yong‘in bo‘layotgani to‘g‘risida favqulodda vaziyatlar boshqarmasiga xabar tushgan.
Aytilgan manzilga soat 11:30 yong‘in-qutqaruv ekipaji yetib borgan bo‘lib, hozirgi vaqtda yong‘inni o‘chirish ishlari davom etmoqda.
Yong‘in oqibatida fuqarolarning kuyish tan jarohati olish va halok bo‘lish holatlari yo‘q, — deyiladi xabarda.
Fevral oxirlarida Toshkentda mebel ishlab chiqarish sexida yong‘in chiqqani va uni o‘chirishga 20 ta ekipaj jalb etilgani to‘g‘risida xabar berilgandi. Aprel boshlarida esa Sergeli tumanida qurilish chiqindilari yonib ketgandi.
Izoh (0)