Shavkat Mirziyoyev 8-may kuni G‘alaba bog‘iga tashrif buyurib, “Matonat madhiyasi” yodgorligi poyiga gulchambar qo‘ydi. Bu haqda Prezident matbuot xizmati xabar berdi.
“Matonat madhiyasi” yodgorlik majmuasi Ikkinchi jahon urushida besh o‘g‘lidan ayrilgan matonatli ona — Zulfiya aya Zokirova, uning sadoqatli kelinlari va yetim qolgan nabiralari xotirasiga bag‘ishlab barpo etilgan. U o‘zbek xalqining urushdagi yo‘qotishlari, g‘alabaga qo‘shgan ulkan hissasining timsoli sifatida bog‘ markazidan o‘rin olgan.
Davlat rahbarining tashabbusi bilan barpo etilgan bu majmua o‘zbek xalqining urushdagi yo‘qotishlari, tinchlik uchun kurashi va ulkan hissasini ifodalaydi.
Shavkat Mirziyoyev farmoni bilan 2024-yilda Ikkinchi jahon urushi qatnashchilari va nogironlarining har biriga 20 million so‘m miqdorida bir martalik pul mukofoti beriladi. 2023-yilda ularga 18 million so‘m miqdorida bir martalik pul mukofoti berilgandi.
-yct2ttzH.jpg)
Davlat rahbariga G‘alaba bog‘i hududida mustaqillik yillarida Vatan himoyasi va el-yurt tinchligi yo‘lida halok bo‘lganlar xotirasiga bag‘ishlangan majmua barpo etish loyihasi taqdimot qilindi.
Shavkat Mirziyoyev 8—9-may kunlari amaliy tashrif bilan Moskva shahrida bo‘ladi. Rossiya prezidenti Vladimir Putinning taklifiga binoan O‘zbekiston yetakchisi kuzatuvchi davlat rahbari sifatida Oliy Yevroosiyo iqtisodiy kengashining navbatdagi yig‘ilishida hamda Ikkinchi jahon urushidagi g‘alabaning 79 yilligiga bag‘ishlangan tantanali tadbirlarda ishtirok etadi.
Izoh (0)