Тошкент шаҳар Яшнобод туманида жойлашган мебел ишлаб чиқариш корхонасида ёнғин содир бўлди. Бу ҳақда пойтахт ФВБ ахборот хизмати хабар берди.
Қайд этилишича, 8 май куни соат 11:25 да Яшнобод тумани, Мухтор Ашрафий кўчасида мебел ишлаб чиқариш корхонасида ёнғин бўлаётгани тўғрисида фавқулодда вазиятлар бошқармасига хабар тушган.
Айтилган манзилга соат 11:30 ёнғин-қутқарув экипажи етиб борган бўлиб, ҳозирги вақтда ёнғинни ўчириш ишлари давом этмоқда.
Ёнғин оқибатида фуқароларнинг куйиш тан жароҳати олиш ва ҳалок бўлиш ҳолатлари йўқ, — дейилади хабарда.
Февраль охирларида Тошкентда мебел ишлаб чиқариш цехида ёнғин чиққани ва уни ўчиришга 20 та экипаж жалб этилгани тўғрисида хабар берилганди. Апрель бошларида эса Сергели туманида қурилиш чиқиндилари ёниб кетганди.
Изоҳ (0)