Iqtisodiy tadqiqotlar va islohotlar markazi mart oyi yakunlari bo‘yicha O‘zbekiston avtomobil bozori tahlili natijalarini taqdim etdi.
Mart oyida O‘zbekistonda avtotransport vositalari savdosi 3 foizga kamayib, 76,8 ming donani tashkil etdi.
Yengil avtomobil segmentidagi vaziyat
Yengil avtomobillar savdosi bir oy davomida 3,4 foizga kamaydi va deyarli 65 ming donani tashkil etdi.
Birlamchi avtomobil bozoridagi vaziyat
Yengil avtomobillarning birlamchi bozorida sotuvlar o‘tgan oyga nisbatan 6 foizga kamaydi va 22,4 mingta avtomobilni tashkil etdi.
Yillik hisobda ushbu segmentdagi faollik 3 foizga o‘sishni ko‘rsatdi.
Xorijiy yengil avtomobillari segmenti o‘sib bormoqda
O‘zbekiston bozoridagi xorijiy yengil avtomobillar segmenti ijobiy dinamikani namoyon etishda davom etmoqda, savdo hajmi 28 foizga o‘sdi va umumiy savdo hajmi oyiga 2,7 ming donagacha yetdi.
Sezilarli o‘sishga qaramay, faollikning yillik o‘sish o‘rtacha bo‘lib,13 foizni tashkil etdi.
Ikkilamchi bozordagi vaziyat
Mart oyi natijalariga ko‘ra, yengil avtomobillarning ikkilamchi bozori faolligi 2 foizga biroz pasayib, umumiy savdo hajmi 42,5 ming donani tashkil qildi.
Ushbu fonda, foydalanilgan elektromobillar segmenti ijobiy dinamikani ko‘rsatdi, sotuvlar 10 foizga o‘sib, 1,8 mingta elektromobilga o‘sdi va o‘tgan yilning shu davriga nisbatan sotuvlar uch baravarga oshdi.
2024-yilning noyabr oyida o‘rtacha foydalanilgan mahalliy ommabop avtomobillar hamda xorijiy lyuks avtomobillar o‘rtacha narxlari pasaygan bo‘lsa, mahalliy lyuks va elektromobillar narxlarida sezilarli o‘zgarish kuzatilmadi. 2024-yil dekabr oyida ikkilamchi avtomobil bozorida faollik pasayishda davom etdi va bu o‘rtacha narxlarda o‘z aksini topgandi.
2025-yilning yanvarida O‘zbekiston ikkilamchi avtomobil bozorida yanvar oyida pasayish davom etdi. Mahalliy ommabop avtomobillar narxi 2024-yilning dekabr oyidagiga nisbatan arzonlashdi.
Izoh (0)