Futbol bo‘yicha 17 yoshlilar o‘rtasida Osiyo Kubogi doirasidagi 1-tur uchrashuvlari 3-aprel, payshanba kuni o‘tkazildi.
Unda O‘zbekiston terma jamoasi Tailandga qarshi bahs olib bordi.
Uchrashuvning avvalidayoq o‘zbekistonlik futbolchilar ikkita gol urdi. Jumladan, 2-daqiqada Sadriddin Hasanov hisobni ochdi. Oradan 10 daqiqa o‘tgach esa Nurbek Sarsenbayev hisobni ikkitaga oshirdi.
Shundan so‘ng Tailand ham hujumlarni oshirdi. Bu 40-daqiqaga kelib natijasini berdi. Silvia Mekses gol urib, hisobni qisqartirdi.
Ikkinchi bo‘limda O‘zbekiston terma jamoasi xotirjamlikka berilmay yana oldinga intildi. Asilbek Aliyev 80-daqiqada hisobni yana ikkitaga oshirdi. Oradan 5 daqiqa o‘tgach esa Abubakir Shukurullayev hisobni yirik ko‘rinishga keltirdi.
Shunday qilib, O‘zbekiston terma jamoasi 1-turdan so‘ng 3 ochkoga ega bo‘lib turibdi.
Izoh (0)