Футбол бўйича 17 ёшлилар ўртасида Осиё Кубоги доирасидаги 1-тур учрашувлари 3 апрель, пайшанба куни ўтказилди.
Унда Ўзбекистон терма жамоаси Таиландга қарши баҳс олиб борди.
Учрашувнинг аввалидаёқ ўзбекистонлик футболчилар иккита гол урди. Жумладан, 2-дақиқада Садриддин Ҳасанов ҳисобни очди. Орадан 10 дақиқа ўтгач эса Нурбек Сарсенбаев ҳисобни иккитага оширди.
Шундан сўнг Таиланд ҳам ҳужумларни оширди. Бу 40-дақиқага келиб натижасини берди. Силвиа Мексес гол уриб, ҳисобни қисқартирди.
Иккинчи бўлимда Ўзбекистон терма жамоаси хотиржамликка берилмай яна олдинга интилди. Асилбек Алиев 80-дақиқада ҳисобни яна иккитага оширди. Орадан 5 дақиқа ўтгач эса Абубакир Шукуруллаев ҳисобни йирик кўринишга келтирди.
Шундай қилиб, Ўзбекистон терма жамоаси 1-турдан сўнг 3 очкога эга бўлиб турибди.
Изоҳ (0)